A biapi taktakmi a si. Supreme Court nih same-sex marriage le nau hrawhnak kongah upadi an sermi hi zeitin dah na tuah te lai? Na hrawk than in na thlenter than te hna lai maw tiah CBS news nih Trump cu biahalnak an tuah than.
President Donald Trump nih a lehmi hna cu 'kan ram pumpi ah phungning in same-sex marriage cu cohlan a si cang i, a poi ah ka ruat ti lo. Biachahnak an tuah cangmi kha letter than ding in Supreme Court biaceihtu ka khanh than ti hna lai lo' a ti.
'A sullam a um ti lomi a si zeicatiah phisin cangmi a si ko. Upadi ah a cang cangmi a si. Supreme Court nih an phisin cangmi a si. Ka chim duhmi cu an tuah dih cang caah ka tuah ding a um ti lo a ti. Same-sex marriage tbk case hna kha SC an phan hna i an phisin dih cang hna. A poi ah ka ruat ti hna lo tiah Trump nih a chimh chih.
President Trump nih a chim thanmi cu 'nau hrawh a duh lomi le Gun Rights kongah upadi thlen a duh lomi biaceihtu ka khanh hna lai tiah a chim. 'Zeidah a cang te lai kan zoh rih hna lai. Lamcan sau pi kal ding kan ngei rih. Nan fiang ko lo maw. Lamcan sau pi kal ding kan ngei rih' tiah Trump nih CBS News biahaltu cu a ti hna.