CBS news nih zarhpini ah President Donald Trump biahalnak an tuah i, phungning loin US ramchung a lut i document a ngeimi lomi pawl hi zeitin dah na tuah hna lai tiah biahalnak an tuah.
President Donald Trump nih a lehmi cu hna cu campaign ka tuah lioah ka chimmi kha ka tuah ko lai. US in ka kuat ko hna lai. Office ka tlaih in cun million 2 in 3 karlak cu ka kuat te ko hna lai a ti. A kuat dingmi hna cu misual, gang chungtel, cun drug a tawngmi le record thalo a ngeimi hna an si lai a ti.
Asinain House biachimtu Payl Ryan nih cun phun dang in a chim ve. 'Atu lioah a bubu in kuat timi hi cu Republican nih kan ruah rihmi a si lo' a ti. 'A bubu in kuat dingmi kong hi cu kan ceih rih lai lo. Mipi lung dam rih ko seh. Atu lio i kan ruah bikmi cu ramri security kong hi a si' tiah a peh.
Trump nih zarhpini ah a chim thanmi cu US-Mexico ramri khamhnak ah hin tlakrawh le mortar lawngte kan hmang lai lo; hmun zeimawzat ah cun thirhling zong kan hman ko lai a ti. 'Zeimawzat hmun ah cun tlakrawh hman an hau. Ka thiam tukmi a si a ti.
Campaign lioah a chimmi cu vampang saknak caah Mexico zong nih an liam ve lai a ti.