Nikhatni ah North Korea cungah US bom thlatu vanlawng a rak zuang. South Korea le Japan he raltuknak vanlawng in eksaisak an tuahnak a rak si. North Korea nih fak taktak in an vun phomh than hna. President Trump zong 'raltuknak lawng te a ruat' tiah an phomh.
Raltuknak vanlawng in eksaisai tuahnak aa telmi cu US bom thlatu vanlawng B1-B bombers zong aa tel. Nuclear 24 phur khotu a si an ti. North Korea nih cun nuclear ral thawhter an duh caah a si ko tiin an ruah cang hna. Tuan deuh ah khan raltuknak tialwng in eksaisai an tuah cang.
Atu cu an raltuknak vanlawng in eksaisai an tuah than cang. North Korea nih cun kanmah hrocernak caah a si ko an ti. South Korean Defense Ministry biachimtu Moon Sang-gyun nih a chimmi cu 'North Korea nuclear missile hneksaknak lehrulnak caah kan tuahmi a si' tiah atu chun ah a chim.
North Korea leiin an chimmi cu 'an ralkap eksaisai tuahnak nih nuclear raltuknak tlang par ah a kan umter cang. US le a hawile nih kah a kan timh caah a si' an ti. Cheukhat cu an lungrethei ko. North Korea nih an ka kah lai ti a phan ahcun a kah hmasa khawh te menmi hna a si an ti.
Asinain President Trump nih a chimmi cu 'Kim Jong-un he ton ka duh lo. A ni le caan hmaan kan hngak rih lai a ti. Kim thangthatnak zong a chim len. South Korea ah THAAD missile an chiahmi zong Taluk nih a vun doh tuk cang. 'A herh ning in kan cawlcang lai lai' tiah foreign ministry biachimtu Geng Shuang nih a chim. Ref: CNN News.