Hlasak thiam Justin Bieber cu ngaknu dawh taktak aa hmuh than ti a si. Thla khat voi khat phun in ngaknu aa thleng rua an ti cang. Tuan deuh ah Brazilian muidawh nu he an i duh nain atu cun thawngpang thar a chuak than cang.
A ngaknu thar hi mintami muidawh bak a si. Hailee Steinfeld an ti i, a minthang bakmi a si. TMZ nih a chim ning ahcun a Church Pastor nih theihternak a tuah hna hnu in atu hi thla khat leng hrawng an i duh cang tiah a chim.
Nikhatni ah khan a ngaknu cu New York khuapi Met Gala puai ah a rak chuak i Justin Bieber he hmanthlaknak zong an ngei len. Thla khat leng hrawng an um ti cang i, Justin cu bom chungah hlah maw an hren ti tluk in a ngaknu sinah a caan a hmang.
An pahnih in Pastor Carl Lentz Khrihfabu ah aa pummi an si. Cheukhat nih cun hawikawm lawng an si. Kum 22 Hailee le Justin karlak zeidang a um lo. Hawikawmhnak lawng an si tiah minung pakhat nih cun a chim. Asinain thla khat leng chung an i thlah ti lo tiah TMZ nih cun a phuan.
Met Gala puai i a vun i langh i a muidawhnak le a tungtai a vun hmuhsak hna cu an uar kho tuk. Mi note zong a si, a muidawh si cun a tungtai that si. Zohtu le hmanthlatu hna nih a zoh a cim in an cim kho lo. 'The Edge of Seventeen' film zong aa zeih cang. Ref: The sun.