North Korea nuclear bom hi ram kip ah an phan cang ko lai tiah tuaktan kho pawl an lunghring than cang. Tilawng in maw, motor in maw a phunphun in a nuclear bom hi ram kip ah a kuat khawh cangmi hna a si. A caan a za cang a ti i a puah ahcun vawleicung cu a ciam dih ko lai an ti.
Australian expert pawl nih an chimmi cu 'Norh Korea nih a nuclear hi chawlehthalnak le nga tlaihnakl tilawng tbk in hmun kip ah a kuat len cang hna lai tiah kan zumh' an ti. Naite ah capar an chuah i North Korea nih US kah khawhnak thazaang a ngei taktak maw timi an zoh.
Capar tlangtar cu 'The Strategist states current assessments of North Korea’s ability to attack the US' ti a si.
North Korea nih nuclear in US a kah khawh le kah khawh lo cu a missile technology cungah aa hngat an ti. Nuclear a phur khomi ICBM tbk hi North Korea nih zeitluk dah a ngeih timi an thei lo. Atu a hneksak lengmang tawnmi hna cu a fami pawl an si i, US kah khawhnak thazaang an ngei lo.
US kah khawhnak thazaang a ngeimi missile hi a ngei deng cang lai tiah an zumh. A rau ti lai lo an ti. Cheukhat nih cun a ngeih hmanh ngei seh law kan thei lo an ti. Asinain a ngeih ahcun a hneksak cang lai. Atu a hneksak tawnmi cu a fami pawl an si.
Australian expert pawl nih an tial thanmi cu 'nga tlaihnak tilawng le thil phurhnak tilawng tbk in Taluk leiah a nuclear hi hmun kip ah chia dih cang seh law kan thei lo. 'Zalong tein vawleicung chawlehthalnak rili hmun ah thuh khawh le chiah khawh an si an ti.
Tha tein hlathlai le dohtlat zong an um lonak rili hmun an si an ti. A donghnak ahcun an chimmi cu North Korea an kah i an i palh sual ahcun vawleicung pi hi a buai lai, sipuaizi a rawk lai i, nunnak tampi a liam lai an ti. Ref: The Express.