Vawleicung ah a lian bikmi Khrihfabu Roman Catholic hruaitu Pope Francis nih North Korea nuclear buainak cu hitihin kan damter lai a ti. UN zong san an tlai lo tuk cang tiah a mawhchiat pah hna. Nuclear le missile a hruh in aa hruh pi cangmi North Korea kongah an lungrethei cio.
Zeitin dah North Korea nuclear buainak hi kan damter lai tiah Pope Francis nih a tanglei bantukin a chim. Pope nih a chimmi cu 'vawleicung hi kan i doh cio ahcun minung vialte kan rawk dih lai. UN zong nih nan thazaang chuah deuh tuah u. Nan derthawm tuk' tiah a mawhchiat pah hna.
North Korea nuclear buainak kan damternak khawhnak ding ahcun Norway hi bawmh kan hal ding a si. Vawleicung ah thilri a tampi i pakhat le pakhat karlak remtu zong an tampi. Norway zong hi tahchunnak lak phu an si. Norway hi bawmh dinng in aa tim pengmi a si tiah a ti.
A chim thanmi cu 'kan damnak lam cu biaruahnak hi a si. Norway nih a thli tein Israel le Palestine an rak fonhtonh hna i biaruahnak an rak tuah pi hna. 1990 hrawngah remhnak hnatlaknak rak tuahmi Oslo Accords hi a si. Teinak an rak chuah pi ko a ti.
A peh thanmi cu 'North Korea nuclear le missile hi kum khat leng a buai cang. Atu cun thil sining hi a linsa tuk cang. Hitihin a linhsat i kan buai ahcun minung kan rawk dih lai. Kan ruahnak nih a phak leng tiang in kan hrawk lai i a tihnung tuk lai. Hmailei kan zoh a hau tiah Pope Francis nih a chim. Ref: the express.