German hruaitu Chancellor Angela Merkel nih Muslim hmaikhuh kong a chimmi cu a fak kho taktak. Christian Democratic Union pumhnak ah 'hmaikhuh hi kahin cun aa tlak lo, a si khawh chung in kan kham lai. German cu hmaikhuhnak ram a si lo' a ti.
Mipi cu a lung a tling kho. Kutbeng le au in a tur in an tur hna. Atu lawng hi German hruaitu upa nih a chimmi a si lo. August ah khan Interior Minister Thomas de Maiziere nih Muslim hmaikhuh phung hi kan kham lai a rak ti cang. 'Kan society ah aa tlakmi thil a si lo. Mah ruangah nan hmai nan langhter lai kan tinak lengmang a si' a ti.
Hmai kum zong thimnak ah kaa tel than lai tiah zahan zarh ah khan a thanh cang. A term linak a si cang lai. Kum 62 Merkel caah hmai kum thimnak hi cu a har ngai cang lai tiah an zumh. Zalong tukin refugee a ramchung ah a luhtermi nih mipi thin a hunter tuk.
Muslim refugees nih zeitluk in dah German mipi an tuaitam hna i mipi an lungfah i an thinhun timi kha philh awk a tha lo. Tutan ah Muslim hmaikhuh khamhnak kong a chimmi tel nih hin a bawm deuh te hnga dek maw. Asinain Merkel chan cu a ziamh leiah panh dawh a lo kong cang. Ref: CNN.