North Korea nih nuclear a hneksak than ahcun meitlaang tiang in a phuak khomi a si cang tiah expert nih ralrinnak an chim. Missile le nuclear hneksak nih a molhter cangmi Kim nih vawlei pi cu lungrethei in a chiah cang.
Atu zong research tu nih an chimmi cu 'Norh Korea nih missile le nuclear a hneksak lengmang ruangah vawlei a hninhmi le a canghmi nih meitlaang puahnak tiang a chuahter khawh cangmi a si an ti. Nuclear a hneksak than ahcun Paektu Tlaang ah meitlaang puahnak a chuahter khawhmi a si tiah a chim chih.
Taluk le North Korea ramri ah meitlaang puahnak a um i a puah sual ahcun ram hnih minung a thongthong in an thi lai tiah Bruce Bennett nih CNN ah a chim. 'A thawngmi nuclear a hneksak ahcun a cang khomi thil a si' tiah a chim chih.
Zeitik ah dah meitlaang a puah te lai timi hi Taluk zong nih aa ralrin lengmangmi a si. North Korea missile hneksaknak le nuclear hneksaknak nih Taluk zong a lungre a theihter lengmang hna.
London i King College ah Geography and Environmental Hazards cawnpiaktu Dr. Amy Donovan nih a chimmi cu Paektu tlaang tangah zeidah a um timi kan theihmi a tlawn tuk. Missile le nuclear a hneksakmi nih fak ngaiin a hrawh cang lai tiah kan zumh' a ti. Ref: The Express.