US le Cuba hi lam neih te ah a ummi an si nain aa pehtlai kho lomi an si. 1959 in US he aa ral i, aa pehtlai kho bal lomi an si. A luan cia kum hnih ceo lawng khan President Obama nih Cuba cungah sipuaizi an phihmi cu a onpiak hna.
Amah pumpak hrimhrim in Cuba cu a tlawn hna. Obama nih a chimmi cu Than Shew bantukin a sualmi "Fidel Castro tuahsernak le thil a chuahtermi vialte cu tuanbia nih bia a ceih te ko lai' a ti. A kuttum in mipi a uktu a si.
President Obama nih a chim thanmi cu Fidel nih pumpak nunnak lam tiluan a thlen i, chungkhar a thlen i, Cuba ram tiang in a thlen tiah nirukni ah a chim. A uk chungah palhnak le sualnak a ngei lomi mipi a thongthong in a thah hna. Politics kongah a hmuh ning he aa dangmi paoh thong ah a kumkum in a thlak hna i, a thah hna.
"Mipi cung, a ram cung le a pawng ummi hna cungah a tuahsernak vialte hna cu tuanbia nih aa cinken lai i, bia a ceih te ko lai' tiah Obama nih a chim. US le Cuba karlak ah huatnak a linsatnak kong tbk le US nih economic an phihnak hna tbk zong a chim chih.
President ka tuan chungah kan tuanbia vialte kha hnulei ah chiah dih kan i zuam. US ah Cuban mipi nih hawi tha le bawmtu kan ngei ko timi hi theih hna seh' tiah President Obama a chim. Ref: NYP.