Ningani ah Green Party nih Wisconsin state le a dangdang ah vote kan rel than lai tiah Electoral Board ah ca an tial zeicatiah vote thlak ning kong le computer hman ning kongah chambaunak le hrokhrolnak aa tel an ti. Rel ding in timh a si.
President thimmi Donald Trump nih fak ngaiin a vun phomh ve hna. Vote rel than nan timhmi cu 'hrokhrol le nichuak' nan si; Clinton hmanh nih a sungh a khanh diam cang tiah nirukni ah a vun ti hna.
Trump nih a peh thanmi cu Green Party nih vote rel than nan duhmi hi zeidang runngah si loin fund kawlnak caah hrokhrol in khuaa nan khaanmi a si a ti. Nan tangka khuangah tangka luhter nan duh caah vote kan rel than lai tiin fund nan i kawlter bia a si tiah fak ngaiin a den hna.
State tampi vote thlaknak ah GP leiin aa zuammi Jill Stein hna lengbang cu a min hmanh aa te lo, cu pinah vote a hmuhmi hi vote zate huap in 1% hmanh a tling lo a ti than. Cucaah 'nichuak le hrokhrol bia nan si' a ti hna.
GP hruaitu Stein nih a lehmi cu 'fund kan kawlmi hi vote relnak caah kan hman lai. A luan cia caan zeimawzat ah kan rak theih bantukin a ruahnak in a chim ve men ko lai. Amah nih pei a chim kha thimnak ah teinak ka hmuh lo ahcun ka cohlang lai lo' a ti kha tiah a leh ve. Ref: CNN.