Scottland i inn hlun cangmi pakhat ah chungkhar an leng. An len lioah Bill Andrew 78 nih a chungkhar cu inn hlun hmaiah cun hmaan a thlak hna. An hmanthlak an vun zoh ahcun inn hlun pi hlei ah mithla a kal lioah an hmuh.
Bill, a fanu Coleen Marsh 60, a tunu Jessica Hockley 30 le a tupa Findley Hockley 3 tiin an leng hna. Anmah hi Kent ah a ummi an si. Coleen nih an hmanthlak cu a zoh i an hnulei background leiah khin khuaruahhar awk ngai a simi minung inn chunglei ah a luh lio an hmuh.
Bill nih a chimmi cu 'mithla a si le si lo ka fiang lo. A ruah awk zong ka hngal lo. Khuaruahhar ngai thil a si' a ti. A fanu Coleen nih inn hlun ah a ummi riantuantu a hal hna tikah inn zohkhanhtu tuanvo pekmi James Henderson nih a chimmi cu :
'Hi inn hlun pawng le a chungah hin khuaruahhar thil an theih lengmang i, an hmuh lengmang. A hleiin Halloween hrawng hrimhrim ah an hmuh i an theih tawn' a ti. A chim thanmi cu 'Inn hlun len tikah mi bawmtu an chiahmi hna zong nih khuaruahhar thil a um hi an theih lengmang' a ti.
An report tawnmi cu 'khuaruahhar thawngpang an theih lengmang, asinain inn chungah a ummi an um fawn lo. Hi hmanthlak minung hi a si sual hnga maw' tiah a chim. Hi inn an rak remh lioah hin nu-fa hna ruak an rak hmuh. An ruh lawng an tang cang.
Inn chungah hin hngakchia aa putmi nu an hmuh pah lengmang fawn. A dang um thanmi cu Lady Agnes a rak um i, a fapa thihsi a pek hnuah a rak i that ve. Anamah hna cu an si hnga maw tiah lunghrinhnak tampi le ruahnak an um len hna. Ref: The sun.