Laimi nih Pathian kan duh ko timi hi a fiang chin lengmang. A luan cia kum zeimawzat hrawng tiang ah khan cun Laimi nih Pathian kan duhnak hi a lang tuk lo. Lenglei kan nun le kan biachim zong in a lang i social media kan hmannak zong in a lang. Asinain nai kum in kan i thleng tuk tiah kan ruah.
Facebook le website tbk i Pathian bia kan rel ning le kan ruahnak kan langhtermi nih tampi bia a chim cang. Pathian bia a relmi kan tam chin lengmang cang. Mah hrimhrim nih hin Laimi nih Pathian kan duhnak a langhter. Pathian leiah a kan mong chin lengmangtu hi zeidah a hram a si?
Crusade le camping kan tuah lengmang hna caah a si hnga maw? Crusade le camping nih Laimi thathnemnak a kan pek tuk ko rua ti zong kan hmuh. Pathian kan duhnak hi a lang chin lengmang cang ko tiah kan hmuh caah a tanglei bantukin kan tuahmi a si.
Cucaah The Chokhlei Post nih na hmuh ning theih an duh. Na hmuh ning na chimmi hi Laimi vialte caah santlai le ruahnak petu zong a si tiah kan zumh. Vote pek ding in biahalnak kan tuahmi cu a tanglei bantukin panga (5) an si:
1) Pathian kan duh ko
2) Pathian kan duh lo
3) Ka thei lo
4) Pathian duh lo kan tam deuh
5) Pathian duhmi kan tam deuh
ti hna hi an si lai. Nangmah pumpak hmuh ning te kha theih kan duhmi le mipi sinah theihter kan duhmi zong a si. Kan Chokhlei Post ca zong ah a bia i, nangmah pumpak ca zong ah a biapi i, na miphun ca zong ah a biapi ngai ko tiah kan ruah.
Vote pek a duhmi hna caah kan blog/website kehlei kam te ah hmuh khawh a si lai i, a pummi kual raang panga (5) chungah na duhmi pakhat na thim lai i, na hmeh (click) lai. Cun a tang ah vote timi kha na hmeh chih lai i, na vote cu a tla ko lai. Mobile a hmangmi nih 'Web Version' in zoh khawh a si lai.
The Chokhlei Post