ISIS le Iraq ralkap cu Mosul ah an i phomh thluahmah cang hna. ISIS caah ruahchannak a um ti lo...
Iraq ralkap le raltuknak vanlawng nih ISIS an thahmi hna ni khat hnu ni khat in an tam chin lengmang.
Iraq ralkap le raltuknak vanlawng nih ISIS an thahmi hna ni khat hnu ni khat in an tam chin lengmang.
Nineveh khua i cozah inn lian pipi ah hmunkhurmi ISIS cu an thah hna i, an thianh thluahmah cang hna tiah chunglei kong a theimi nih a report. 'A rannak in ISIS kan phomh thluahmah cang hna' tiah Iraql ralkap upa Lieutenant Colonel Abdel Amir al-Mohammadawi nih a chim.
Daesh ah ISIS pahra kan thah hna. Vawlei tang i training an tuahnak zong kan hmuh. A training tuah ning le an khuakhan ning zong kan theih len hna. Kan ralkap training kan pek ning he aa khat ngai ko tiah a chim chih.
A chim chihmi cu a donghnak i Mosul kan raldoh cu thisen tampi a chuak lai a ti. ISIS minung pali nih bom an hmanh i, an hmanh cuahmah lioah a puah hna i, minung pahnih cu an thi. Tapung dohnak kongah UK senior officer nih cun 'ISIS an dih thluahmah cang' a ti. Asinain caan zeimawzat cu an rau rih lo.
Ralkap lei upa nih an chimmi cu 'ISIS kan tei hna zong ah tapung riantuannak cu a dong kho lai lo an ti. Al-Qaeda tapung an siah ISIS vakvai an siah kan hloh dih kho taktak hna lai lo. Kan tei hna ti caan cu a phan ko lai, asinain tapung riantuannak cu a tlau kho ti lai lo tiah a chim chih. Ref: The Express.
--------------------