An A Phomh Ning A Fak Taktak (Video He)

A pasal cu ngaknu dang pahnih he dawr ah an rak thu i an din an ei lio ah a nupi cu ruah lo piin a rak chuak. A thinhung cia in a ra cang. A thinhung tuk i, a pasal cu a hnulei tukbakhur bak ah fak taktak in an vun bengh i, ngaknu hmai i biachim aa timh lio celngel a si. Aa nok bak ko!

A kam ah a thumi ngaknu pakhat zong a sam in a dawh i cabuai cungah bawk lak a dawh. Pawngkam ah a thumi vialte cu khuaruahhar in an tho i, an zoh dih hna. CCTV zong cu an cung zawn celngel ahcun an rak bunh ve i a tlak dih hna. A ngol duh ti lo. A pasal cu duh chung in a bengh i, ngaknu pakhat zong dong loin a zawn hnawh.

A Nupi Nih A Pasal Le A Ngaknu A Phomh Lio Hna

A pasal thlithup ngaknu theo a si lai. Ngaknu pahnih cu lengmang an chuak i, a va dawi than hna. Pawngkam a thumi nih an tlaih len zawng ah a duh lo. A pasal lengbang cu thutden tiang in a tuk i a cheh. A pasal zong cu aa sum kho lo i a phomh hnikhnik deng ve tawn. Nu pahnih cu an kal hnu tiang a dawi hna.

A hnuah a pasal a rak kir hnawh than i, a thinhung tuk ve cang i, a nam; a zawn hnawh than i, lam kam ah teng lak a pasal nih a thongh. Mah hnu tiang zong ah an dai hlei lo. An karlak ah nu pakhat a rak i tel lengmang ve. A nupi unau theo maw a si hnga; a vun bawmh lengmang ve. CCTV mit tiang lawng a si i, kaa dang ah zeidek an lawh hnga. An ropui ko! Ref: The sun.