Hmur durh (hmur hmat) hi si a vang i, tuar har ngai a si. Aho poah nih kan ton lengmangmi a si. Kan lei zong ah a kan durh i, kan hmur zong ah a kan durh. Kan dang zong ah a kan durh. Rawl-ei le tiding kho lo tiang in kan tuar tawn.
A elmi, a thurmi le a thakmi ei hrimhrim cu a duh lo tuk. Kan haa kan i teih zong ah a fak i, kam tawl tiang nih fahnak a chuahter. Hi bantukin hmur hma kan ngeihnak ruang hi folate, iron le vitamin B12 tbk kan rak chambau caah a si kho men. Ngandamnak caah a tlingmi rawl-ei hi a rak herh taktak. Beans, spinach, broccoli, iron, arti, tbk hna hi ei lengmang ding an si.
Mitkuh thaw le cim tein ih zong hi kan pumsa ngandamnak le hliphlaunak caah a rak herh. Cuticun kan taksa zong tampi a rak thatter. Kan pawpi le chungril thurhnomh tuk ruang zongah a chuak kho fawn. HIV ruang zong ah a chuak kho.
A tilum le cite in tlengh zong hi a tha ngai. A fah damternak caah thukmi lipstik zong hman khawh a si. Kan hmur a kan durh tikah ni sau pi a um lo. Asinain a fah ngai i a zual ngai ahcun doctor len ding a si. Ralrin kan herhnak cu kan pawpi le chungril thianter hi a herh i, a herhmi ti rawl ei ding. Mitkuh vuai tein ih zong hi a rak herh. Ref: Foxnews.