Indai cozah nih tangka 500 le 1000 ca note a thah i mipi an buai tuk lio a si. Bank kip ah an i tlar hna i, ATM kip ah a i tlar hna. South Indian minta (film star) Ravi Babu cu a vok note he a rak chuak ve i, AMT i tangka laknak ah hawi sinah aa tlaang ve.
India ah mah bantuk hi a um bal lomi a si. Minung pakhat nih uico cu a lentecelh pi awk le a hawi caah a hman lengmangmi a si, asinain vok he minung lengah chuah i, tlonlen hi a um bal lo. Tutan thil nih Indian minung cu khuaruahhar in a tuah dih hna i, media kip cu Babu le a vok note kong lawng te an si.
Ravi Babu nih a chimmi cu film ah kaa zeih pi dingmi a si. Ka motor detsi a dih i, tangka ka ngei ti lo i, kaa kal pimi a si tiah a chim. A tang zawn ah hin tlai u law nan taksa ah bek chih u law a siarem ngai ko lai tiah a vok tlaih ning zong a chimh chih hna.
Black Money kan doh an tinak ah Indian mipi cu harasa ngaiin an um lio a si. Zarh khat caah thong Rs. 24000 lawng thoh a ngah i, ni khat ca in kan lak lai ti ahcun Rs. 4000 lawng thoh a ngah, asinain chun ni tlak in hngah a hau, cu hmanh ahcun ni khat ah a lut kho lomi an um len rih hna.
Ravi vok note min cu Bunty a si. Hyderabad khua ah a si i, minute 15 hrawng ka hngah hnuah Rs. 2,000 kan lak khawh a ti. Ref: BBC.