Pumrua tha zong a si i, aa dawh i, an uar tukmi Dan Obsorne nih a ngaknu muidawh nu Jacqueline Jossa kong naite ah a phuan. Hmun khat um tinak in fanu Ella an ngei i, thitumnak zong an tuah deng lai cang ti theih a si.
Dan Obsorne nih a phuanmi cu ka darling Jossa hi sexy ti lo a ti. Kan fanu Ella a ngeih hnu cun a muisam le a pumrua zoh aa rem ti lo tiah a chim. Closer Magazine ah Dan Obsorne nih a darling Jossa kong a chimmi cu 'naite i Soap Magazine Sexiet Female zuamnak ah Award a hmuh ah khan aa lawm tuk' a ti.
'Fanu a ngeih hnu ah cun teinak ka hmu lai tiah aa ruat ti lo. A hlan bantukin a sexy ti zong aa ruat ti lo' tiah a chim. Reveal Magazien ah Jossa nih a chim vemi cu 'nai hrawnghrang cun ka muisam le pungsan a tla tuk tiah Jacqueline nih a chim.
'Ka ruahnak ahcun fa ka ngei i kaa sersiam deuh lai tiah ka ruah, asinain a rak si naisai lo' a ti. Ka muisam le ka tungtai umtu ning kong midang nih an chim hmanh ah khin kaa zah pi cang' tiah Jacqueline nih a chim. Daily Star nih zarhpini ah a pahnihnak fa ngeih a tim an timi cu a hmaan maw tiah an hal i 'fapawi ah a ka ruatmi cu va cei hna seh' a ti.
Cheukhat nih a hmaanmi ruahnak an chimmi cu a tha tiin ka ruah ko. An ruahmi pei a si cu' tiah a Jossa nih a leh hna. Zoh ka dawh le dawh lo kongah midang chimmi ruah hi kaa tim lo. Fa dang ka ngei lai lo timi theihter ka duh hna tiah Jossa nih a chim. Ref: The Sun.