Nuclear sernak caah lam kau pi onpiak bantuk a si an ti i, fak piin an rak doh. Trump nih a chimmi cu 'Iran nuclear hnatlaknak tuahmi hi a chia bikmi hnatlaknak tuahmi a si' a rak ti ve. Republican party nih Congress ah Israel PM Netanyahu an rak sawm i, Iran nuclear kong fak takak in a rak chim.
An kutbenghpiak that nig kha! Asinain atu cun an lung aa thleng than i Trump tu kha Iran nuclear hnatlaknak hi na dirkamh lai an ti than cang. An thinphanmi cu Trump nih Iran nuclear hnatlaknak a dirpi lo ahcun US le ramdang a kan hlatter lai i, Iran nih a nuclear ser hi a peh than sual lai ti an phang.
Washington i The Foundation for the Defense of Democracies timi Conservative upa zong a hlanah cun an rak doh tuk. Congress sin tiangah an rak halmi cu Iran nuclear hnatlaknak hi a tihnung tukmi a si caah kham uh an rak ti hna. Asinain atu cun an tan pi than cang.
Arizona University i sihni professor pakhat nih a chimmi cu 'US nih hnatlaknak a tuahmi in aa let than ahcun Iran nih a nuclear program hi zalong tuk in a pehzulh than lai. US nih a thar in dantatnak vun khinh than zong a har tuk cang lai. US kan hawile zong an lungfak tuk lai' a ti. Ref: VOA News.