Trump University kong i taza an cuaimi kongah President thimmi Donald Trump nih $25 million pek hna ding hnatla cang tiah New York Attorney general (upadi kongah ruahnak petu) nih a chim.
New York Atorney general Aric Schneiderman nih ningani ah a chimmi cu Trump University ah sianginn a rak kai thingmi hna nih taza an cuaimi cu Trump nih $25 million pek ding in a hnatlak pi cang hna caah a dai cang lai a ti.
Taza a cuaitu nih an chimmi cu 'Trump University nih a ping ah a kan hruai. Minung pakhat nih $35,000 cio pe u law Trump nih business a tuah ning (real estate investing technique) an chimh hna lai. An chimtu ding hna cu Trump hrimhrim nih an thimpiak hna lai' a kan ti an ti.
A chim thanmi cu 'Trump nih a kan chimtu zong a thim hna lo; an sianginn zong cozah theih pinak zong a um lo, aho he hmanh zong in pehtlaihnak a ngei lomi sianginn kha University tiah an auh' an ti.
Trump University an kharnak in atu tiang Trump nih ka palhnak a um lo a ti ve lengmang. Tuan deuh ahcun Trump nih taza an cuaimi kong hi a ceih duh lo. Asinain Trump nih liamh than hna ding in a hnatlak tikah hlenmi sianghgakchia 600 leng caah teinak nganpi a si tiah Schneiderman nih a chim: Ref: VOA News.