Daw Aung San Suu Kyi le a cozah hruaimi hi a kal tluang ti lo. Nai hrawng hrimhrim cu a tla tuk. Suu Kyi an soiselmi a tam i, NLD cozah hruainak zong soiseltu an tam tuk. Rohingya kong a siah kahdohnak a siah an tlangtlak kho hrimhrim hna lo.
Shan ram le Kachin ah kahdohnak a lin chin lengmang. Tlangcung hruaitu upa nih cun kahdaihnak kong ceih ti loin political kong ceih an duh cang. Naite Suu Kyi nih kadaihnak kan tuah hamsa a hau a ti. An duhmi aa dang ngaingai. Kum zabu 21 Conference an tuah a dongh thla in kahnak a chuak colh.
Naite ah Taluk nih a minung cu Kawlram ah a thlah hna i, kahdohnak kong an ceih. Taluk hi kahdohnak kongah a biapi ngai timi a lang. Tuan deuh zongah Taluk nih daihnak nan sernak ah kan bawmh hna lai a rak ti hna.
Kan hnu thlah ah Snr-Gen Min Aung Hlaing cu Taluk a tlawng i, Taluk President Xi Jinping he an i tong. Ralkap kongah bawmhchanh ding khuakhan tinak le hnatlaknak an ngei. Rohingya raltho kong zong an ceih chih.
Chunglei kong a theimi nih an chim tikah Daw Suu le Min Aung Hliang karlak ah hin theihthiamnak le pehtlaihnak that dawh a si lo. Rohingya kong a siah TlangCung kong a siah an hmuh ning aa dang ngaingai ti a si. An um ti lio ah khin cun an i nihter ko nain an chung in an kalh taktak an ti.
Lungkua pakhat ah chandeih tum khong pahnih um ti bantuk in an hmuh cang hna. Zei tiang dah an um ti lai i, an i seh te lai timi lawng an bawh cio ko cang hna. Atu tiang ah cun Kawlram lam caan hi a hmaan lo chin lengmang lei a panh ko.
Cheukhat nih an chimmi cu NLD cozah nih ram an tlai kho ti lo tiah an ruah. Suu Kyi hruainak zong hi a tla chin lengmang. Tlang Cung hruaitu le ramchung upa zong nih Suu Kyi a zumhnak hi a tla ngainai an ti. Ref: Irrawaddy News.
Note: A tawinak in lehmi a si.