Indonesia's East Kalimantan peng i Khrihfabu pakhat pawng i lente aa celhmi hngakchia hna lakah bom a puah i hngakchia pakhat a thi; pathum hma an ing tiah Jakarta Post nih a report.
Trinity Hutahaean 4 nu te zong aa hliammi ah aa telmi a si. Mei nih a kangh ning an fak ngai hna, asinain a nute Roina Simanjuntak nih 'kan ngaihthiam ko' tiah a chim. A puahtu hi tuan deuh zong ah IS he aa pehtlaimi a si tiah sual an phawt cangmi a si.
Trinity nu le pa nih an chimmi cu 'Pathian nih lehrul cham ding in a kan fialmi kan si lo caah kan ngaihthiam ko' an ti. A nute nih a chimmi cu 'Trinity nu zong a tuar tuk lio a si. Asinain ruahchannak cu kan ngei ko. A fanu hliamhhma a hmuh hnu cun mah hngal lo in a um a ti.
Bom a puahtu hi Johanda a si i, an tlaih cang. Samarinda Police Offic ah an chiah. IS he aa pehtlai tiah January ah an rak tlaih i 2017 tiang thong ah chiah ding a si, asinain a thongtlak caan an tanpiak i Idul Fitri puai ni July 28, 2014 ah an rak thlahmi a si tiah Inspector Boy Rafly nih a chim.
Indonesia minung tam deuh cu mi tha le khuaruah kho an si hna nain extreme minung tampi an um ve. Anmah hna ruangah hin Khrihfabu 1000 leng an khar cang tiah Human Rights Watch nih an chim. Ref: Christianity Today.