Nilini ah Germany i press conference ah President Obama bia a chim i, Donald Trump duh loin sandah a piahtu hna cu 'ngol hlah u' tiah a forh hna.
A chim thanmi cu 'sandahpiahtu hna hi ruahnak ka pe hna lai. Campagin tuah lioah an theihmi thil nih an lung a nuamhter hna lo caah an duhnak an langhtermi a si. US kan tuanbia ah president duh loin sandah an piah lo hi a um tuk lem lo.
Cucaah daih ding in ka chim hna lai lo' tiah President Obama nih Germany ah a chim.
A chim thanmi cu 'vote thlak hi a biapi, a bu in um hi a biapi, thil sining theih hi a biapi' a ti. Donald Trump nih teinak a conak in US ram pumpi ti awk in sandahpiahnak a chuak. Cheukhat ahcun dai tein an piah i cheukhat ahcun an buai ngai.
Trump campaign manager Kellyanne Conway nih cun Obama cu sandahpiahtu hna hi daihter hna tiah voi tam ngai a fial. 'President Obama nih hin sandahpuahtu hna hi ngol cang u a ti hna lai tiah ka zumh a ti.
President pakhat a si bantukin tlangtlak hna kha rian hrimhrim zong a si. Asinain President Obama nih zeihmanh a chim lo. Germany press conference tu ah cun a langpar in a rak forh lehlam hna. Ref: Foxnews.