Muidawh tawk tha Kim Kardashian le a pasal laam-hlasak thiam Kanye West nih hlasa thiam Taylor Swift cungah an thinhunnak le an lungtlin lonak fak piin an vun langhter.
Taylor Swift hlasakmi hrimhrim kan ngai ti lai lo tiah an karlak ah hlatnak kau pi an chiah cang. Hlasak leiin minthang a simi Taylor cu a hrial hrim in kan hrial cang lai an ti. An lungtlin lonak le hrial kan hau timi an ruahnak ruang an um hna.
Kim chungkhar leiin minung pakhat nih a chimmi cu 'naite ah Kim le a fanu North le Penelope tiin Kourtney ah an kal. A fanu le Penelope nih a nu Kim cu Taylor hla ngai ve an ti. Kim nih a fale cu 'kanmah sin tu ah zumh awktlak in a um deuh awk a si' tiah a fale cu a ti hna.
A chim duhmi cu Taylor Swift hla ngaih kan hau lo. Amah nih kanmah hlatu a ngaih ding a si a ti.
Cu ni thok cun 'kan inn chungkhar ah Taylor Swift hla nan chuah ti lai lo tiah Kim le a pasal Kanye nih an chim. A fanu North le a nau nu fanu Penelope nih Taylor Swift hla an ngaih ti lonak ding caah tunu thar cawkpiak ding in a timh hna.
Taylor Swift hi a philh in kan philhter hna lai an ti. An chungkhar kong a theitu pakhat nih a chim thanmi cu 'Kim le Kanye nih Pop diva Taylor Swift thlak hi zeihmanh ah an rel lo' a ti. Ref: Radar.