Top Russian diplomat le Russia president Vladimir Putin biachimtu Dmitry Peskov nih niliniah an phuanmi cu Russia expert (mi thiamsang) hna nih President Trump riantuantu an pehtlaih ko hna tiah an phuan.
Campaign chungah khan a thlithup in Democratic Party e-mail rak zohpiak tbk thawngpang a rak thang lengmang. Russia an si tiah an rak puh lengmang i kan si lo an rak ti ve lengmang. Trump biachimtu nu Hope Hicks nih cun cu bantuk thil cu a hmaan lomi a si. Campaign chungah kan camp le ramdang pehtlaihnak zeihmanh a um lo tiah a chim ve.
Asinain an i pehtlai ko lai timi lunghrinhnak cu a um ngai. Russia nih an ruahchanmi cu Trump a tlin ahcun kap hnih karlak pehtlaihnak a thatter lai timi hi a si. Crimea a lak ruangah US economy dantatnak a khinhmi nih hin Russia sipuaizi a tlakter ngaingai.
Trump zong nih Russia he hawikom si a duhnak a langhter lengmang. Tapung kan doh ti lai tbk hi a chim tawn. Obama chan lio zong kha Russia he riantuan ti ding in an chim ko lengmang, asinain a caan a phak tikah Ukrain le Syria kong ton tikah an tuan ti kho taktak lo. Ram hnih nih an duhmi veve aa dang lengmang than. Ref: CBS News.