New York Times hi Trump thatnak chim a duh bak ve lomi an si. Trump chiatnak le chambau langhter ahcun a khulrang bakmi an si.
Campaing a tuah lio khan Trump chiatnak hi dong loin an chim i an newspaper cahmai, a hmai khatnak hmanh ah Trump hmanthlak pathum tiang a tar khomi an si. Trump nih a rak phomh ve hna.
Trump bawmtu hna nih ramchung security kongah ruahnak petu hna an chuah hna i Cozah thlennak ah aa tim cuahmahmi Trump team cu an buai ngai tiah New York Times nih a tial than naite ah a vun tial.
'Vawleicung ah a thawng bikmi newspaper pakhat a simi New York Times hi kan teinak nih an lung a fahter tuk hna i, a hrutmi an lo cang' tiah Trump nih a ti hna. A peh thanmi cu 'hruaitu kan i thimnak kongah an tialmi hi a hmaan lomi lawng te an si' tiah Trump nih a chim.
New York Times nih a report thanmi cu ' thimnak a dih hnuah State le Justice Department le Pentagon nih Trump team leiin information pehkchannak a um lo caah zeihmanh an thei rih lo' an ti.
Asinain Trump nih a lehmi hna cu 'zatlak puicimhnak nih a den cuahmah cangmi NYT nih an chimmi pakhat hmanh a hmaan lo. Tluang tein kan kal ko. Ramdang hruaitu tampi he zong in biaruahnak kan ngei hna' a ti.
A peh thanmi cu cozah thar caah hruaitu thimnak ka tuah cuahmah lio a si. Kan i thithruai ning zong tluang ngaiin kan kal pi ko. Keimah lawnglawng nih ahodah ka thim hna lai ti a theimi ka si' tiah twitter ah a tial.