President a tlin hnuah a tang rihmi cu a uancichoh pawl thim than an hau. Ahodah a thim hna lai timi hi a biapi tuk rih. Cheukhat nih cun anmah duh in maw a thim te hna lai or Republican chungtel maw in a thim te hna lai timi hi a si.
A teinak biachim tawn a chim lioah a riantuan ti hawile zeimawzat nih an tel pi. Anmah lakah zeimawzat cu a uanci caah a khanh te hna lai. A lenglei zong ah thimmi a ngei men te lai. A tanglei minung hna hi zumhmi an si.
Newt Gingrich
Gingrich 73, hi Secretary caah a si te lai tiah zumh a si. Tuan deuh ah Georgia upadi sertu le House of Representative biachimtu a rak simi hi an uar ngainak cu 1994 i Republican thangphawhnak a tuahtu a si.
Democrats nih chan pi chan li chung Congress an uknak a donghtertu a si. Kum li chung biachimtu a sinak in dinhter. Asinain thil a ti kho ngaimi
Republican ruahnak petu, catialtu le political lei ruahnak petu a si. 2011 ah Presidential cuhnak ah aa tel nain a hlawhtling lo.
Rudy Giuliani
Kum 72 a si. Attorney General caah zumh a si. New York ah khuabawi a rak tuan balmi zong a si i, biaceihtu zong a si. Trump campaign hi chuk-cho in a herhnak paoh ah aa zammi pa a si. Teinak biachim ah khan Trump nih a min a thlir hmasa cemmi a si.
'Kan sin kip ah a ra i, meeting kip ah a kan um pi. Aa thleng bal lo. Zumhnak leng tiang in bochan awktlak taktak a si tiah a nolh cip. September 11, 2001 i World Trade Center an thlak hnu cun New York dirkamhtu tha taktak a si tiah an thangthat ngaimi pa a si.
1994 in 2001 tiang New York khuabawi a tuan. A tuan chunah khua chung sualnak, nun ning le dirhmun a remhtu a si tiah thangthat ngaimi zong a si. 2008 ah President aa cuh hnik nain cancer a ngei tiah a ngol than.
Chris Christie
New Jersey governor a si i Republican leiin president cuh aa timhnak nain Trump leiah a tang thanmi a si. Kum 54 a si i, ruahnak petu maw a si te lai i, commerce secretary dek a si lai.
Reince Preibus
Kum 44 a si i, Inn Rang ah chief of staff caah ruahchannak a um. Repulican National Committee chairman a si bantukin campaign hlawhtlinnak caah biatak tein rian a tuanmi a si. House biachimtu Paul Ryan he neihniam an si. Trump nih a thangthat ngaimi a si.
Jeff Sessions
Alabama i senator a si. Secretary of defence a si te lai tiah zumh a si. Kum 69 a si i, teinak biachim ah Trump nih a thangthatnak ngeimi a si. 'Washington ah an upat taktakmi a si' tiah Trump a ti. Conservative ngaimi a si i ralkap ah gay tlak zong a duh lomi le Obamacare a duh lomi a si. 2003 i Iraq rak tuknak a dirkamhtu le a herh ning rian a rak tuanmi a si.
Seteve Mnuchin
Trump campaign finance chairman a si i, Treasurer secretary a si lai tiah zumh a si. Movie: X-Men, Avatar, le American Sniper tbk chuahtu a si.
Michael Flinn
Lieutenant-general a rak tuan cangmi a si. Campagin chungtel pakhat a sinak nih Trump tampi a bawmh. Trump hi ralkap riantuanak a thei lo nain Flynn ralkap expereince nih Trump tampi a dirkamh. 2012 - 2014 ah Defence Intelligence Agency director a rak si nain a cunglei upa he an i kalhnak caah an dinhtermi a si.
Campaign an tuah chungah ISIS nih thinphannak an chuah pimi Obama Administration nih an lehrul ning a that lo caah fak piin a soiseltu a si. National Security advice post hrawngah tlak dawh in an zumh.