British physicist Stephen Hawking hi atu chan scientist lakah minthang bik pakhat a si. Dam lonak a ngei i, computer bawmh chom in a holh theihmi pa zong a si. 'A Brief History of Time' a tialmi hna lengbang cu a min a rak thang i, a man a rak tha bik a rak si.
Stephen Hawking hi vawlei dang ah a ummi miphun dang (alien) kong a chim pah lengmangmi a si. Naite zong ah Alien he pehtlaihnak ngeih lo ding in a chim than. Vawlei dang ah a ummi miphun dang (Alien) hi technology leiin minung naak in a let in a sangmi an si a ti.
Minung hna hi cu zeihmanh ah a kan rel lai lo. Rungrul-sivai fate kan hmuh tluk hmanh in a kan hmu lai lo tiah ralrinnak a chim. Vawlei dang miphun hna sinah kan kal ding a si lo a ti. Christopher Columbus le Native American an rak i ton hmasa bantukin khan kan fawi ve lai lo tiah a chim rih.
Ka upa deuhdeuh i kaa fian chin lengmangmi cu kanmah lawng kan si hrimhrim lo. Vawlei dang ah miphun dang a hrang ngaimi an um ko tiah ralrinnak bia The Guardian sinah a chim. Ref: TOI.