The Guardian nih 218 - 276 in Trump nih a tei tiah an thanh cang. Clinton zong nih Trump sunghkhannak phone a chonh cang tiah CNN nih a chim. Pence he Trump he lunglawmhnak teinak bia an chim.
Mike Pence
Vice President Mike Pence nih 'American mipi nih bia nan chim i, American mipi nih nan president nan thim cang. United States of America vice president chungkhar si cu kan i lawm tuk. American mipi nih zumhnak nan kan ngeihmi cungah kan lung aa lawm tuk hringhran. Trump hruainak nih America a liannganter than lai. Pathian cungah kaa lawm tuk hringhran' tiah mipi sinah a chim. A chungkhar cungah lunglawmhnak zong a chim chih.
Trump
A chungkhar he stage cungah an rak rak ra hna.
Clinton kong a chim hmasa. Secratery Clinton nih phone a ka chonh. Conglawmhnak zong a chim. Keimah zong nh ka conglawmh. Aa zuam tuk ve hringhran. Caan sau tuk aa zuam ve. Kan ram nih Clinton cungah leiba tam tuk a ngei i, kan ram zong aa lawm tuk' tiah Clinton thangthatnak bia a chim.
Kan cozah nih mipi caah rian a tuan lai. Hmun khat ah kan tuan ti hna lai. Kan ram kan ser than hna lai. Kan ram hi ka theih bantukin thil ti kho lawngte kan si. American kip nih thil ti khawhnak an ngeihmi kan theihter dih hna lai. Kan khua chung kip kan ser than dih lai i, kan ram pungsan (infrastructure) kan ser than hna lai i, pahnihnak ah kan umter lai lo. Hmaiah kan chuahter lai.
Million in riantuantu kan chiah hna lai i, kan ser than lai. Kan ralkap zong kan ser than lai. Kan economic zong a let in kan thanchoter lai i, vawleicung ah a thawngbik ah kan ser lai. Ramdang kip he kan tuan ti lai. A zei poah ah kan lung kan i tlin pi ti hna lai lo. A tha bik ah kan um lai i kan i zuam lai. Kan ram saduhthah le chunmang le ralthatnak kan lak than lai.
America thathnemnak le miaknak pakhat ah kan chiah lai i, ramdang zong aa ruang tein kan pehtlaih hna lai tiah a chim.
A donghnak ah a chungkhar, a dirkamhtu mipi le a riantuan ti upa hna sinah lunglawmhnak a chim i, a riantuan ti hna zong. 'I love this country. Thank you! Thank you!' tiah a donghter. Ref: The Guardian.