US le Russia hi a kal ti kho bal lomi an si. Tutan thimnak ah Russia nih Trump an tanh timi hi fiang tein a lang i, Clinton hi an duh lo timi zong fiang tein a lang fawn.
Tutan ah Donald Trump nih campaign a tuahnak le debate a tuahnak kip ah Russia chiatnak chimh seh tiah Trump an sawh chih lio zong ah Russia chiatnak le huatnak a chim bal lo. 'Put cu hruaitu thawng a si' tiah a thangthat lengmang.
Trump nih teinak a hmuh cangka in conglawmhnak bia Russia President Putin nih a rak chim colh.
Putin nih hitihin a chim:
'Na teinak cung kan rak conglawmh!
'A biapi tukmi caan ah kap hnih theihthiamnak in riantuan ti ding le vawlei pi nih a ton cuahmahmi buainak phisin ti ding in rian kan tuan ti lai timi ruahchannak ka ngei. Vawleicung secuirty him lonak kong zongah riantuan ti ding in duhsaknak kan ngei' timi a langhter.
A peh thanmi cu 'tluk ceo timi principle in a siah pakhat le pakhat theihthiamnak in a siah pakhat le pakhat dirhmun theihpiakthiamnak in a siah Moscow le Washington karlak ah biaruah khawhnak lam zong kan ser khawh lai timi zumhnak kan ngei. Cuticun ram hnih caah a siah ramdang hna caah thathnemnak a um lai timi zumhnak kan ngei' a ti.
'D. Trump na riantuannak cungah hlawhtlinnak um ko seh'
V. Putin