Republican a simi House Speaker Paul Ryan a rian a peh kho ti lai maw timi hi ruah awk a um cang. Trump he an rak i kalh tuk i, an rak than pi lo; naite lawng vote thlak lai taktak in a vun tan pi. Zeitin dah a dirhmun a si te lai timi hi ruah phu a si.
Atu cu Republican nih President an tuan cang lai. Congress ah House le representatives he an thawng fawn cang. Paul Ryan nih hin a term hnihnak peh than ding in hal a duh te lai. A term hnihnak a tei te lai maw? Nu kongah Trump a thang a vun chiat tuk ah khan Paul Ryan nih ka dirpi ti lai lo tiah a chim.
Republican veve a si i, unau bantuk a simi a rak tanpi duh lo. Soiselnak tu a rak chim lengmang.
Asinain President a vun tlin cangka in an i dannak kha chiatak in rian kan tuan ti lai tiah a phuan than. 'American mipi caah hmun khat tein cozah thar he rian kan tuan ti lai. Tu zan hi kan party caah zan tha tuk a si. Hmun khat ah kan ram kan pumh than lai' tiah Ryan nih a chim than.
Republican chungtel pakhat nih CNN ah a chimmi cu 'thaizing ah fak piin Trump a dirhkamhnak kong a chim lo i, Trump he rian ka tuan lai a ti lo cun a rian caah tihnung ngai cang' tiah a ti.