Uk Prime Minister Theresa May
Fak piin naa zuam i President na tlinmi cungah kan rak in conglamwh. Britian le United States cu freedom le democracy upat phung in a thawngmi pehtlaihnak a ngei zungzalmi kan si. Rian kan tuan ti lai timi zoh chihnak he..
German Merkel
Na teinak cungah kan rak in cong lawmh. Campaign chungah dohnak le alnak lawng te an si. US a uktu cu tuanvo tam a ngeimi nan si. American mipi nih an president caah an in thim cang. Democracy, freedom le mipi upatnak hna hi miphun thleidannak ngei loin German le US a kan pehtlaihtertu an si. Hi hram hna zoh chih in neihniam tein rian kan tuan ti hna lai.
Israel Netanyahu
President thim tharmi hi Israel hawi tha a si. Kan ram pawngkam security, daihnak le fehfuannak caah riantuan ding in kaa hngahhlang ko. Kan pahnih in kan ram pehtlaihnak kan thawnter chin lai i, sang pi ah kan ram kan cawisan lai. Kan ram hnih in kan i hrawmmi phung le man hi thuk piin hram a thlami a si. Kan hmuitinh zong aa khat i kan duhmi zong aa khat.
Iran’s Supreme Leader Ayatollah Ali Khamenei
A luan cia ah khan a chimmi a si. 'Ka uar ngaimi cu Trump hi bia a chim tikah lenglang lenglang in bia a chim i mipi an cohlan khunnak a si. Phehthulhnak um loin a chim tikah mipi a bia ngeih an duh tuk.
India Prime Minister Modi
President na tlinnak cungah kan rak in conglawmh. Campagin na tuah chungah India kong na rak chimmi vialte cungah kan rak thangthat fawn. US-India pehtlaihnak tha chin lengmang in ser ding in rian kan tuan ti lai.
European Union Sinin
A voi 45 nak US President na tlinnak cungah kan rak in conglawmh. US le EU hi democracy, freedom le market economy phung ah thuk piin aa hrawm i aa tlaimi kan si.
Kan mipi le vawleicung mi hna caah daihnak ca le thanchonnak caah rian a tuan pengmangmi kan si. Kan i pehtlaihnak kan thawnter chin lai. Ukrain, migration, climate change le ram hmunhma kong tbk zong ah neihniam tein kan tuan timi nih thil tha a chuah pi lai.
Vawlei pi caah America democracy hi kan ruahchannak meiceu a si i kan hawile an siah kan riantuan ti ramdang an siah kan i pehtlaihnak hi kan thawnter chin lai i, kan miphun an siah vawlei pi a siah kan himter lai i kan thanchonter chin lai. EU-US Summit ah Europe zong nangmah na rem tikah rak kan tlawng te tiah caan tha lak in kan in sawm.
NATO
President na tlinnak cungah kan rak in conglawmh. Nangmah he riantuan ti ding in kan rak hngahhlaang ko lai.
Tapung in a siah cyber attack in a siah security kongah a siah zawmcawhtu kan tong lengmang. A zungzal bantukin US hruaitu nan si hi a biapi. Kum 70 chung rian kan tuan ti cang hna i daihnak caah a siah dohdalh caan a siah kan i kawmhmi nih neihniam taktak ah kan ser. NATO nih US ca zongah a tha i Europe ca zongah a tha.
Riantuan ding tampi kan ngei. Mr. Trump ton ding in kaa hngahhlang ko. Kum vui ah NATO summit ah kan hmailei kong ceih ding in Brussels ton ding in kan in welcome.
Slovenia
First lady Melania hi a chuahnak cu Slovenia a si. Tu zing ah Slovanian Prime Minister Miro Cerar nih a tanglei bantukin conglawmhnak a tial.
A pakhatnak ah President na tlinnak cungah kan rak in lawmh pi. A ngaingai ti ah cun kaa lawm khun. Hi thimnak ah Slovania zong nih an in um pi hna. Kan Melania Trump zong United States First lady a si lai. Hmailei ah riantuan ti ding in kan in hngak ko hna.
Taluk President Xi Jinping Phon Chonh
Taluk President XI nih phone in conglawmhnak bia a chim. 'A biapi tukmi tuanvo a thangcho cuahmahmi Taluk le a thangcho cangmi US nih kan ngei. US he a fek i a thami pehtlaihnak kan ser lai timi zumhnak kan ngei. Kan i dannak vialte dohdalnak tel loin kan phisin dih lai timi zumhnak kan ngei' tiah a ti.
Trump Vote Thlatu Duhmi
Vampang ser ding
Clinton thongthlak ding
Muslim kham ding
Obamacare hrawh ding
NAFTA le TPP
President a tlin hnuah a tweet mi a si
Aa dawh i a biapi tukmi zanlei! Philh cangmi pa le nu vialte kan in philh ti hna lai lo. A hlan bantuk si loin kan i fun dih hna lai.
President Obama sinin
President Obama nih nilini ah Inn Raang pi ah ton i cozah thlennak kong ruah ding in a sawm cang.