Ningaini ah Green Party nih Trump teinak Wisconsin state vote rel than ding in ca an tial cang. Vote thlaknak le relnak kongah hrolhrolnak aa tel tiah report a um caah tha deuh hlat than ding in an hal.
Wisconsin i Green Party chairman bawmtu a simi George Martin nih a chimmi cu vote thlaknak paper rel than ding kan hal hna. Vote rel than lawng si loin Wisconsin state vote thlak ning system hrimhrim zong hi zumh awk a tlak maw tlak lo timi hlathlai kan duh a ti.
Electoral democracy hi a tluang maw tluang lo timi zoh thannak kan tuah ning a step pakhatnak a si tiah a chim chih. Matin nih a chim thanmi cu 'computer expert nih lunghrinhnak an ngei. Vote thlaknak ah computer in hrokhrol (hack) riantuannak aa tel an ti.
Vote thlaknak zong an hack, party e-mail zong an hack i pumpak e-mail zong an hack a ti. Kan vote ning phung hi computer phung lawng in hman a si i, kan hman ning hi fawi tein hack khawhmi an si.
Kan vote ning hi a him lo tuk i American nih kan vote ning sytem ah zumh ngamnak kan ngeih awk a si. tiah GP fundraiser Jil Stein nih CNN ah a chim.
Ningani ah zanlei ah Wisconsin Elections Board nih a chimmi cu Stein le GP sinah nawlnak ca kan hmuh. Ka state chung vialte vote rel than ding in kan timh tuah lio a si an ti. Asinain an rel than hmanh ah zei pipa a thleng ti hnga maw a timi zong an um. Ref: CNN