Kum 43 ka si i, nupi le fa pahnih a ngei cangmi ka si. Kum 27 ngaknu he kan i duh i, amah hi ka office ah kum thum chung a tuan cangmi a si. A caancaan tete bia kan i ruah lengmang i, a hnu ah cun a darling he an i phiat i a darling kong a ka ruah lengmang.
An i duh lioah cun a darling he kan pathum in chuncaw tbk hna a kan dangh tawn. Ruah lo piin an i phiat than. Bia kan ruah lengmang tikah aa dawhnak le iang a ngeihnak nih a ka suai chin lengmang. Ka nupi ah ka hmuh bal lomi le ka ton bal lomi tampi a nunnak ah ka hmuh tikah aa ka suai tuk.
Kan i pehtlaihnak a lum chin lengmang. Asinain pumsa tiang taktak cu kan phan rih lo. Ka inn ah a ra tawn i, ka nupi le ka fale zong a ton tawn hna. Aa nuam ngai. Kan pahnih in kan duh ngai cang. A nu le pa zong ka bawmh lengmang hna. Thitumnak kong tbk tiang in aa ka ruah lengmang.
Duhsah tein ka nupi le ka fale a huat chin lengmang hna. Kan um ti lioah ka nupi le ka fale nih phone an ka chonh tikah fak piin a thinhung zungzal. Asinain ka chungkhar cu ka hlaw kho hna lo. Voi khat cu khual kan tlawng i, zan ah kan riak ti. Pumsa tiang in caan kan hmang ti cang.
Ka nupi nih a theih chin lengmang ve cang tikah a kan hlat chin lengmang. Asinain ngaknu nih cun ka nupi le ka fale kha a ral ah a ruah cang hna. Ka nupi le ka fale cu ka hlaw kho hna lai lo ka ti zong ah a duh ti lo. Na ka thit lo ahcun pasal zong ka ngei ti lai lo. Ka nunchung pasal ngei loin ka um cang lai a ti.
Ka lungre a thei chin lengmang. Ka chungkhar le an um fawn, cun ngaknu zong cu ka duh fawn. Keimah le keimah kaa that lai ti tiang in a ka hro tikah a ruah awk ka hngal lo. Caan cu a kal lengmang. Office ah cun kan i tong lengmang. Ka nupi nih a kan lunghrinh cang. Zeitin dah ka tuah lai?
Dr. Seema Hingorrany: A pakhatnak ah neihniam tuk in na komh ti lo ah a tha lai. Na chungkhar te kha tha tein zohkhanh ko hna. Ngaknu zong a nung kho tuk an si ko lai, a chungkhar nih har lo tuk in an zohkhanh khawhmi a si ko. Duhnak le pumsa duhnak a hman zia nan thiam lo caah psychologist nih an in bawmh khawh hna lai. Emotion tuk in nun hi midang hrawh sual a fawi te. Ref: TOI.