Sandahpiahtu hna nih US aalaan an khangh. President thimmi Donald Trump nih 'ahohmanh American aalaan kan khanghter hna lai lo. A khaangmi cu fak piin dantat an si lai tiah nihnihni ah a chim.
'American aalaan an khangh ahcun fak piin an tuar lai. Miphun sinak zong cuh an si kho i, kum khat thong thlak zong a si kho' tiah Twitter ah a tial. Asinain aalaan khangh hi phunghram buar a si lo tiah Supreme Court nih a ti.
Aaalaan khangh tbk zong hi 'zalong tein biachimnak nawlngeih pakhat a si ve tiah American phunghram nih a onh. 'Free speech' timi ah hin 'aalaan khangh zong aa tel chih. Cucaah aalaan a khangmi hna doh zong hi free speech doh he aa khat tiah ruah a si cang.
America upadi sertu hna nih aalaan khangh hi phunghram buar phun khat ah chiah ding in an i zuam lengmang. Asinain 1989 ah Supreme Court nih aalaan khangh kham cu phunghram ning a si lo tiah a rak ti. US phunghram First amendment timi nih freedom of speech timi hi a runvenmi a si.
Aalaan khangh tbk zong hi freedom of speech bantuk a si ve ko tiah an cohlan. 1958 lio tu ah khan cun aalaan a khangmi hna cu US miphun sinak chuh a si. 2005 ah Clinton zong senator a si lioah khan aalaan a khangmi hna cu dantat si hna seh tiah fak piin a rak i zuam, asinain an hlawh a rak tling lo. Ref: VOA News.