Nilini ah US official nih an chimmi cu 2014 in ISIS kan doh hna i, atu tiang ah a zate in kan thah cangmi hna hi 50,000 hrawng an si cang tiah an ti. Syria le Iraq hmunkhur ISIS a dohmi ah aa telmi hna cu US le an hawile le Iraq ralkap le an hawi hna an si.
Kan thahmi an tlawm-tam kha kan chim duhmi si loin zeitluk in dah ISIS nih an tuar cangmi timi kan theih chin lengmang cang tiah a chim chih. ISIS an thahmi vialte cazin langhter an duh rih lo. A hrawnghrang lawng an langhtermi a si tiah Pentagon report tu pakhat nih a chim.
Fox news ah US official lei Gen. Sean Mac Farland nih a chimmi cu raltuknak hmun ah ISIS kan thah cangmi hna hi 45,000 hrawng an si a ti. Kan hawile he bawm in raltuknak vanlawng in kan kahmi hi hmual a ngei tuk. Mosul tbk zong ah kan kah hna. Iraq ralkap le an hawile nih Mosul lak ding an doh cuahmah lio a si.
Khatlei in mipi hrimhrim an him lo. ISIS kut in a siah kanmah leiin a siah mipi caah hin himnak a tlawm tuk a ti. August 2014 in kan rak kah hna i, atu tiang in voi 125,000 leng kan kah cang hna tiah Pentagon nih kan hnu tla ah khan a chim. Ref: TOI.