A pasal Kanye West sizung a um hlan hrimhrim khan Kim Kardashian nih then ding in a rak i tim cang. A fale zohkhanhnak kong le tuanvo laknak kong ah biatak tein court ah rian a herhmi a tuah lio a si tiah report nih a chim.
American Magazine Us Weekly nih a chimmi cu 'Kim nih a passal he caan zeimawzat chung cu then a duh. Atu hi a fale North le Saint zohkhanhnak kongah rian a tuan cuahmah lio a si' tiah a ti. Kum hnih le a cheu an um ti hnu cun a pasal sin um a duh ti lo tiah Magazine nih a tial.
A pasal Kanye West dam lonak nih caan zeimawzat a lakpiak. Ni hra cu sizung ah a pasal a rak um i, atu cu a dam ngai cang. Chungkhar hrim thannak caah tiah a tangmi December thla chung cu holiday hman din in timhnak an ngei. Kanye a dam hirhiar hlan cu zeihmanh ka tuah rih lai lo a ti.
Kan hnu zarh ah khan an fapa Siant kum khat tlinnak birthday an tuah. Kim nih cun a fale sinah an pa umter hi a duh lo nain a rak ratter ve than. Magazine nih a chim thanmi cu Kanye thennak ding ah caan a la bang rih lai. Kanye zawn a ruah caah bawmh a herhmi a bawmh lai i, a dam tlian tikah cun a then te ko lai a ti.
An karlak ah theihthiam lonak tete zong um dawh a si. Chunglei kong thei nih cun 'an chungkhar hi hell bantuk a si. Tuar awk zong a tha lo' tiah Us Weekly nih a chim chih. RefL Mirror.