First Lady Michelle Obama hi campaing lioah khan biatak tein President thimmi Donald Trump a doh i, a soiseltu a si. Asinain thimnak result an rel cuahmah lio kha TV zong ka zoh lo; republican teinak zong ka zoh lo a ti diam.
People Magazine ah a chimmi cu tuan tein ka rak it diam cang. Political kong hi ka zoh huam phun a si lo. Ka zoh bal lo' tiah a pasal Obama he biahalnak an tuah lioah a chim. 'President Obama president aa cuh lio hmanh ah khan a caancaan tete lawng ka zoh' tiah a chim chih.
Campaing an tuah lioah khan Michelle Obama nih biatak tein Hillary Clinton a tan pi. Trump nih nu kongah dawhcah lo bia a chimmi fak piin a rak doh i, a soisel. Asinain atu cun Trump nih a tei cang i thimmi president kong tu hi kan ruah deuh ding a si cang tiah a chim.
Campaign lioah kan chimmi vialte kha kan dirpi ko, asinain atu cun ka pasal a siah keimah ka siah a ra dingmi president bawmh ding in kan i tim ko cang. An hlawhtlinnak kha kan duhmi a si a ti.
'Hihi kan democracy a si i, hitihin pei democracy cu a si awk a si cu. A ra ding cozah he riantuan ti ding in timh cia kan si. An si khawh chung in an hlawhtlinnak in kan bawmh hna lai. Hihi kan ram caah a tha bikmi a si' tiah First Lady Michelle Obama nih a chim.
Michelle hi mi tampi nih an uar bakmi a si. Politics a luh ahcun Clinton le a pasal Obama naak hna hmanh in a hmual a thawng deuh lai tiah cheukhat nih cun a ruah. A caan a phan ve te laiRef: CNN.