December 4, zarhpini cu vawleicung muidawh zong a si i, India muidawh zong a simi Aishwarya Rai aa that timi nih social media vialte a hninh dih. A chungkhar he fak tuk in siknak le biaalnak an ngeih caah si tam tuk a din i, a thi tiah a thang.
A film zeih timi India minthang Ranbir Kapoor he an i zeihmi film kongah a chungkhar he hmuhthiam lonak a chuak tiah theih a si. Ranbir Kapoor he an um ning le cawlcangh ning kongah a pasal le a chungkhar lungfah dawh a si. Chungkhar ah fak ngaiin buainak an ser.
Cuticun chungkhar he hmuhthiam lonak in amah le amah hleihluat sidinnak in aa that tiah bia a chuak. Mi tam tuk khuaruahhar in an um manh, asinain a thi lo timi a rung thang than. Minung pakhat nih a chimmi cu ''Aishwarya le Abhishek he tu zing 2:00 am tiang kan um ti ko' tiah a chim.
'A mithmai a panh ngai ko cun hmaan aa thlak zongah aa lawm ngai ko. Cu tluk dawh cu tiah mi tampi zong nih thangthatnak an pek. A pasal Abhishek hrimhrim cu a lungtling kho tuk' tiah a chim chih.
Report ah cun 'Aishwarya thah aa timh an theih cangka in Bachchan chungkhar nih an inn ah doctors te an auh hna. Lengah bia a chuak sual lai tiah sizung ah kal pi loin an inn tu ah doctors te an auh hna' tiin a chim. A va ngeihnak kongah buaibainak a um lengmang ruangah nun a duh ti lo' tiah doctor pakhat nih a chim tiah report a um than.
2007 ah Aishwarya le Abhishek hi aa ummi an si i, 2011 ah fanu Aaradhya Bachchan an ngei. Indian Express nih a chim ning ahcun 'Press Conference ah Amitabh Bachchan bia an hal i, an biahal leh duh loin a nihpiak salam hna' a ti. Ref: YIBADA.