American Music Award Red Carpet ah Chrissy Teigen cu dawh taktak in thuamnak he a rak chuak ve. Hmanthlatu le zohtu hna cu ka-aang le mit thep loin a thil hrukmi nih a tuah diam hna. Amah hrimhrim zong aa dawh si, a sam that si, a tungtai dawh a si.
Thil rukmi nih le zeimaw tiin a um cang ah cun an mawh hrim hna lo. Kum 30 model Chrissy Teigen zong nih aa ruah ning si theng loin a thil hrukmi nih a hlen pah lai tiah zumh a si. A caan hna ahcun zoh awk a si lomi hmun tiang in hmanthlatu le zohtu hna cu a hmuhter pah hna.
Cu tiangtian cu aa timhmi a si lai lo, asinain a thil hrukmi chambau deuh a si khomi a si. A si loah aa timhmi hrimhrim dek a rak si hnga. Kan thei thlu lo. Asinain aa runvennak ah khuacimui dengdeng in a um caan a um. A tuah khawhmi cu amah le amah nihchuah kha a si. Fa khat a ngei a simi model Chrissy Teigen nih chunglei thil zong aa hruk chih lo.
A sui, a taksa le a thil hrukmi aa tlak dih. Bag fate aa tlaihmi hrimhrim nih a a umtu hoihar a tlinter khun. A pum chung thil um vialte nih an dawhter i, an cawisan thiam tuk. A pasal John Legend hi music lei thiam a si bantukin Chrissy Teigen nih theihternak a vun tuah pah. 'Love Me Naw' timi a sakpiak hna. The sun.