Brandy Vela 18 hi high school a kai lio a si i, aa lim lei zong a si cang. A pa sinah social media nih a phunphun in an thangchiatnak a chim lengmang tawn. A mah min in midang nih account deu an i ser i, amah ka si tiin nu le pa sualnak thangchiatnak thil an tuahpiak lengmang.
An tuai tam caan a sauh cang tikah a phone number zong aa thlen i, police sin zong ah reportnak a tuah. Asinain an ngol hlei lo. Police nih ahodah an si timi theih khawh an i zuam i, tlaih an timh lengmang hna zongah an social media applacation hmanmi hi dawi awk le theih awk a tha lomi a si.
Vela nih amah le mah aa thah tiang zong ah an thei kho hna lo. Cuticun Vela cu lungthin nuam lo le lungrethei in a um lengmang. Nihnihni ah cun a chungkhar sinah kaa that lai tiah message a kuat hna. A chungkhar cu an dawng tein an rak ra i, an fanu an hmuh ahcun a thin hmalai ah meithal in kah a rak i tim cang.
A chungkhar nih zaangfah an nawl len i, an hemh len zong ah san a tlai ti lo. A nu le pa le a pi le pu hmaika ah Vela cu aa kap. Cuticun an kut cungah nunnak a liam ziamah. A pa Raul Vela nih a chimmi cu 'kan lem len le kan hnemh len zong ah aa tim cang. Kir than ding cun ka si kho ti lo a kan ti tiah a chim.
A farnu sin i a donghnak message a kuatmi cu 'kan dawt tuk. Zaangfahnak tein rak ka theithiam ko u' a ti. Texas khua police nih cun cyber tuaitamnak a si tiin a thihnak an hlathlai chuahmah lio a si. Ref: NYP.