China Market Research Group (CMR) dirhtu zong a si i, 'The End of Cheap China' le 'The End of Copycat China' timi cauk a tialtu Shaun Rein nih President thimmi Donald Trump le Taiwan President Tsai phone chonhnak kong a tial. Tsai he phone an i chawnhmi cu a thiam kho tuk a ti.
1979 in US nih 'One China Policy' cu a cohlan i, Taiwan he pehtlaihnak a ngol. Taiwan hi Taluk ramchung um an si nain democrcy phung in a kalmi an si. Taluk in Independence a hal pengmi zong an si, asinain cun 'Taluk pakhat kan si' an ti i, Independence pek an tim hna lo.
US zong nih an cohlan i Taiwan kongah US a holh lonak kum 40 leng a kal ve cang. Democracy a rungveng tukmi President thing Ronald Reagan hmanh nih Tawai Presdient he phone chawnh a rak duh lo. Taluk a lung kan tlinter sual lai lo tiah an i ralring tuk cang. Asinain Presdient thimmi Doandl Trump nih 'red line' a vun tanpiak diam hna.
Foreign policy kongah expert nih cun Trump an vun mawhchiat thluahmah. Trump foreign policy hi vanchiat ngaingai a si lai an ti i, a chambau ngai ah an ruah cio. Vawleicung ah hruaitu a tlaihmi dirhmun a tlakter ngai lai an ti. Taluk le US karlak ah ral zong a ser khawhmi a si ti zong a um rih. Asinain Trump nih a tuahmi zeidah a si timi a theih.
President thimmi trump nih cun 'Taluk Tangka Policy le South China Rili kongah an ralkap an lal tukmi hi a rem lonak a a vun langhter. Soiseltu expert hna cu an vun con dih colh.
Minute 10 chung phone chawnhnak an ngeihnak ah Trump nih fiang tein a langhtermi cu Asia-Pacific Region ah American nawl kan ngei ko rih timi le kan in runven khawh ko hna timi hna an si. Hriamnam kan in zuarh hna lai timi kong a chim lo. Cucaah Trump nih Taiwan President Tsai a chawnhmi hi a sawhsawh a si lo timi expert pakhat nih cun a hmuh ning a si.
A donghnak a langhter thanmi cu 'American nawlngeihnak le thawnnak a tho than cang' (Make America Great Again) timi hi Trump nih langhter a duh a ti. Trump nih a chim pengmi cu US miaknak lengmang kha a si. A herh ahcun kum 40 leng an pehtlaih ti lomi Taiwan zong a pehtlaih lai i, US hawi cia a simi hna hmanh kha US caah thathnemnak an ngeih lo ahcun a kal tak ko hna lai timi hi Trump lungthin ah um dawh a si. Ref: CNN.