Sex loin a um kho lomi an um. Kan chim lo nain tam deuh nunnak ahcun hrial khawh lo tiang in buai pimi a si. Sex nih hin minung hi a kan lem/suai taktak maw? Sex lei expert zong nih fiang tein an phisin khawh lomi a si pinah an hmuh ning zong aa dang lengluang.
Cheukhat nih cun lem/suai timi hi a um lo an ti lioah cheukhat nih a suai/lem ko hna an ti ve.
Sex nih a kan lem/suai timi aa thoknak hi 1980 hrawng in a si. Patrick Carnes nih "Out of the Shadows' (Thlapahle Chungin) timi cauk a rak chuah i, sex hi suai a hmang ko a rak ti. Psychotherapist Joe Kort nih cun 'a luan cio kum 30 ah khan cun sex aa sum kho lomi kong chimnak ah biafang tha deuhmi kan rak ngei lo. Suai tiah kan auhmi hi sullam a rak ngei ngai' tiah a ti.
Sex lem timi hi linsa taktak in almi kong pakhat a si. Drug le zu nih kan thluak, kan ziaza le kan ruahnak a thlen i a hrawh khawh bantukin sex zong a suai cangmi cu an thluak le an ziaca a hrawh khawh ve tiah a ruatmi zong an um. Cheukhat nih an chim thanmi cu drug le zu nih cun minung hi kan ziaza lawng si loin kan minung hrimhrim a kan hrawh, asinain sex nih cun kan ziaza lawng a thlen an ti.
Tahchunnak ah an chimmi cu phekah tbk nih a suaimi bantuk khi a si an ti. Nunnak taktak cu a hrawk lo nain ziaza lam cu a thlen ngai ko an ti. Sex lei expert micheal Aaron nih cun 'sex nih a suai tiah ruahmi ka zohmi hna hi a suaimi hna an si naisai lo. A piakaa zoh an duhnak le sex tuah an duhnak hi i theihthiam lo ca le midang nih an theihpiak thiam hna lo caah a si' a ti.
Douglas Braun-Harvey nih a chim thanmi cu 'sex nih a suai timi hna hi sex duhnak, ruahnak le sex lei-hoih ziaza cu an ngei ko. I sum khawh lo tiang dirhmun ah an um caan zong a um. Asinain a suaimi hna si loin an sex ngandam lo pakhat a si' a ti. Hi bantuk tiang kan phak tawnnak ruang hi mah lawng umnak le lungder in umnak ruang hna ah an si. An lungthin dernak tbk thlop hi a herh tukmi a si tiah Micheal Crocker nih a ti. Ref: CNN.