Nihnihni ah United States Department of Defense headquarter leiin upa nih Syria khuapi pakhat zong a si i, ISIS nih kan khuapi tiah an auhmi Raqqa ah kan raltuknak vanlawng nih ISIS an kah hna i, an hruaitu pathum an thi tiah an thanh.
Pentagon press secretary Peter Cook a chim thanmi cu November 13, 2015 i Paris a puahnak ah aa telmi pahnih Salah Gourmat le Sammy Djedou hi kan hmuitinh an si a ti. A pathumnak cu Walid hamam hi a si i, ni kum ah khan Belgium ah pumpek bompuahtu a si tiah sual an phawt cangmi a si.
A chim thanmi cu nitlak ram lei zong bompuah than ding in timhnak an ngei. November 26 ah raltuknak vanlawng in an kahmi Boubaker Al-Hakim thlithup riantuannak ah aa pehtlaimi zong an si. Kan hnu thla ah khan ISIS hruaitu panga an thah cang hna. Sungthoh riantuannak le local bawmhnak in a si tiah lunglawmhnak zong an chim.
Atu bantukin ISIS hruaitu pathum an thah than khawhnak hi naite ah Syria ah US nih an ralkap 200 an thlah than hna. An ralkap 200 an thlahmi hna nih Syria i an hawile ralkap training pek awk le bawmh awk ah a si. Raqqa le Mosul kan lak hnu zongah ISIS kan dohnak kan donghter rih lai lo tiah Defence Secretary Ash Carter nih a chim. Ref: CNN.