Naite ah Rohingya Muslim harsatnak le konglam tawi kan rak tial cang. Ralkap leiin an siah Budhist mipi leiin a siah fak taktak in an doh lengmang hna. Minung pakhat lawng tuar loin chungkhar nih an tuar tikah an konglam ruah ah cun zaangfak taktak an si ko.
Atu zong Satelite hmaanthlak a chuak than i, Rohingya khua zemawzat cu ralkap nih ciap dih in an khanghpiak hna tiah Human Rgihts Watch nih an chim. An kangh caan le thil umtu ning zoh tikah ralkap nih timh ciammam tein an kanghmi a si tiah an chim.
Human Rights Watch's Asia hruaitu pakhat Phil Robertsin nih a chimmi cu 'ciap cikcek in an kanghmi khua hna hi ralkap riantuannak a si ko. Aho paoh nih an i fian ciomi a si ko. Ralkap hrimhrim an si ko' tiah a chim. Ralkap nih an khangh hlan hmanthlak le khangh hnu hmanthlak zong an langhter chih.
Myanmar Presdient lei biachimtu sinah CNN nih fianternak an hal hna i, a hnu deuh ah cozah nih fianternak kan tuah te lai a ti. Tuan deuh ah khan cun ralkap an si lo tiah cozah lei nih an runven hna. Robertson nih a chim thanmi cu 'ralkap nih Rohingya hi hloh dih an timh hna caah a si a ti. Ref: CNN.