'Kum 19 ka si ah hin tlaihhrem ka tong i, lungthin dam lonak ka ngei thai' tiah hlasak thiam Lady Gaga nih a phuan. Ka lungthin dam lonak hi ni fatin in ka tuar caah si dinnak in ka doh zungzal a ti.
New York i inn ngei lo LGBT dornak inn a len lioah a chimh hna. A thlithup nunnak ah zeitluk in dah tuarnak le harsatnak a rak inn timi vialte cu a phuan dih. 'Hi thil kan tonmi hi ahohmanh ka chim bal hna lo tiah a chim chih hna.
'Asinain doctor an siah ka chungkhar an siah ka hawile an siah ka cungah dawtnak an langhtermi vialte nih ka nunnak a khamh' a ti. Kum 19 a si in tlaihhrem a rak tonmi nih a nunnak zungzal in harnak le tuarnak a rak pek. Asinain lengah a langhter bal lo.
A chim thanmi cu 'keimah tein ka dam khawhnak ding a phi ka kawl lengmang. Dawtnak hi a tha bikmi damnak petu a si' tiah Gaga nih a chim. 'Nan tonmi cio le ka tonmi aa lo lai lo, asinain lungthin dam lonak ka ngei i ni fatin in ka tuar zungzal.
Cucaah bawmtu ka herh zungzal. Keimah nih ka tuar ruang le ka tonmi a si ruangah midang zong theihthiamnak ka ngeih hna. Ka harsatnak nih midang harssatnak a theihthiampiak ve' tiah Lady Gaga nih a chim. Ref: The Sun.