Menu

Dec 7, 2016

'Person of The Year' President Thimmi Donald Trump An Thim

President thimmi Donald Trump cu Time Magazine nih nithumni ah kum tin an tuanbantukin 'Person of the Year' an thim. Thatnak lein a siah chiatnak leiin a siah 2016 chungah a hmual ngeihnak in an zohpiakmi a si.

NBC Today nih biahalnak an tuah lioah Trump nih a chimmi cu 'keimah Person of the Year' an ka thimmi cu 'upatnak taktak a si' a ti. 'Time Magazine hi a biapi tukmi a si. Tu kum chungah an Magazine Phaw ah an ka cuanter lengmang' tiah a chim chih. 



Time Magazine editor Nancy Gibbs nih a chimmi cu 'President thimmi Donald Trump nih political tiluan chungah zeitluk in dah thil thar a chuah pimi a cuaithlai a har ngai lai. 'Person of the Year' kan thimnak ruang zong cu news ah hmual a langhtermi zoh in a si' a ti.

'Mipi hnabeidonghnak a vun langhter, biatak a aupinak nih zumhnak thawng tuk mipi lungthin ah ser i, nizan politics a hrawh i, thaizing politics tiluan a sertu Donadl Trump hi 'Person of the Year' a si' tiah Nancy nih a tial. 

'Person of the Year' an thimmi vialte chungin minung pahra a hnu bik ah an tang. Pahra a tangmi chungah aa telmi pakhat cu Hillary Clinton a si. A pahnih hmun ah a tlami zong Clinton a si. Ref: VOA.