Thailand hi hlawhhlang an tam. Vanthat kan ti lai maw vanchait kan ti lai dah mirum taktak tar pa Harold Nesland Jr nih aa dawh ngaimi hlawhhlang ngaknu a thit. A uarmi pawl cu an khuaruahhar dih. A pasal hi kum 70 a si cang i, a let hnih in a upa deuh.
Tokyo Hunter le Asian Heart actor kum 31 muidawh nu nih a chimmi cu 'duh taktak in kan i duh veve ko. Asinain kan i harhnak tete cu a um lengmang. Ka thinphan bikmi cu kan tuah cuahmah lio hna ah lungtur in a thi sual lai ti ka phang tuk' tiah a chim.
Kan tuah cuahmah lio pi zong ah a lungtur si a din tawn. Ka tih kho tuk. A thi sual lai ti hi ka phang tuk tiah Kejsarin Chaichalermphol a ti. A film min ahcun Nong Nat ti a si.
A chim thanmi cu 'a caan ahcun then than zong ka duh ko. Nuva sinak in kan tuah lengmangmi nih hin a thah sual lai ti ka phang zungzal' tiah a chim chih. A pasal Harold hi US deuh ah a ummi a si tikah thla khat ah voi khat tbk lawng an i tong kho. A ka duhmi an tampi ko i a caan ahcun then zong hi ka duh ko a ti.
Duhmi ka ngeih lo lioah Harold hi then kaa zuam, asinain a voihnihnak le a voithumnak ahcun duhmi dang ka ngei cang tiah ka chimh, asinain a ka then siang lo tiah a chim chih. 'Keimah naak a tha deuhmi na hmuh khawh hna hlan chung paoh cu kan then lai lo a ka ti' tiah Kejsarin Chaichalermphol nih a chim.
Atu cu US ah thial ding in kaa tim cang. US ah a rian bawm ding in Visa ka hngah lio a si a ti. Ref: The Sun.