Selfie siangpahrang nu Karen Danczuk cu a um kho ti lo i, a tapa nih zeitin dah a rak tuahto ning timi cu a phuan. A chim thanmi cu 'runven ding tu ka rak simi kha kum tampi chung ningcang loin ka hngakchia sinak a rak ka lakpiak dih' a ti.
Karen 33 nih The Sun ah a chimmi cu 'ka tapa hi saram hrang tlaihhrem hmang a si. Hell ah a tla lai tiah ka zumh' tiah a chim. Tlaihhrem hmangmi Burke 38 cu a kong an ceih cuahmah lio a si i, December 15 in cun thongthlak ding in a bia khiahpiak a si cang lai.
Atu zong police zohkhanhnak a um ko rih. A farnu Karen nih an tuanbia aa thok ning kong a chimmi cu Greater Manchester i an inn ah thuh le kawl lente an i celh tawn i, a ta Burke nih a thling hna a zat pah tawn. Caan a vun kal deuh tik cun a capo ning a vun luan deuh ziahmah.
A taklawng tbk in a farnu ihnak khan ah a lut i, a ih ko lio hna ah khan a thutnenh tawn. "Ka ta nih cun lente kan i celh lai a ka ti. Ahohmanh nih an kan zoh lo' a ka ti tiah a chim. A chim thanmi cu 'a taklawng in ka pum cung hna ah a thu' tiah a ti.
A donghnak ah cun ningcang lo tlaihhrem tiang a phan tiah a chim chih. Voikhat cu an ta-far in an inn ah kheng an tawl ti lioah raltha tein a tapa cu a al chih. A donghnak ahcun biaceihnak zung tiang a phanh i, a sualman cu a tuar cang lai. Court ah an bia ceihpiak a si cang. Karen nih an konglam vialte a phuan dih.
Ka tapa tuahsernak nih nihin tiang ka nunnak a tuaitam peng rih. Nihin tiang taklawng in ka it kho ti lo. Hnangam te zong in ka it ngam ti lo. Midang duhnak zong tha tein ka ngei kho ti lai lo tiah ka zumh a ti. Manchester Crown Court ah zarh thum chung a kong an ceih hnuah thongthlak a hau timi a fiang.
December 15 ah biakhiah a si te lai tiah Mr. Justics Gilbart nih a chim. Ref: The Sun.