Naite ah CNN nih President Obama cu biahalnak an tuah i 'ka caan a dih cang i, thimnak ah aa tel kho ding ka si ti lo caah a si. Thimnak ah i tel kho rih ning law Trump zong ka tei rih ko lai' tiah a chim. Trump cu a tei taktak ko lai maw tiah Katie Hopkins nih a vun den ve.
Amah pumpak ruahnak zong a chim ve i, American mipi sinah hmailei ca i a hmuhnak (vision) a chimh hna tikah an rak hnatlak pinak zong a chim chih. Mipi lungthin ka lak khawh than rih ko hna lai timi zumhnak zong a ngei ngai. Mah ruangah cun Trump zong ka tei ko lai a ti ngamnak a si, asinain LBC leiin Katie Hopkins nih 'Obama cu aho ah dah aa ruah i, Trump cu a tei lai' tiah fak ngaiin a vun phomh ve.
Hopkins nih a chim thanmi cu 'Democrat biachim ngaihnak in American mipi kan zaw dih cang. Tei a duh tuk ko nain thimnak ah Clinton cu hnawmthur bawm ah kan hlonh cang, zeicatiah mi kip caah vanchiatnak game aa celhmi bantuk a si. 'Obama, nangmah zong nih Trump na tei hlei lai lo. Thimnak ah i tel hmanh law Clinton bantukin hnawmpung chungah hlonh ve thiamthiam na si ko lai' a ti.
'Trump cu mi sawhsawh pa caah a dirmi a si. Trump cu riantuanmi hna caah a dirmi a si. Trump cu philh cangmi le mi thalo hna kut in harnak a tongmi hna caah a dirmi a si. Trump a votemi kanmah bantuk hna hi fel tein tax a pemi le teiman thlu tein rian a tuanmi kan si. Kan i zuam, hmaiah kan chuak, kan tha deuh i, kan ram aa uang pimi kan si. 'Obama, a term thumnak cu na hmu kho lo hrimhrim. Ka fale hmanh golf tuk na tei hna lai lo' tiah fak taktak in a tong. Ref: The Express.