President thimmi Donald Trump nih American sungthoh bu hna he ni fatin in biaruah a duh lo.
President nih fiang tein a sungthoh bu a dirkamhnak le a upatnak hna a langhter i, keiamah zong ka sungthoh bu nih ka hnulei in an ka dirkamh ko timi a theih peng ding a si.
President nih fiang tein a sungthoh bu a dirkamhnak le a upatnak hna a langhter i, keiamah zong ka sungthoh bu nih ka hnulei in an ka dirkamh ko timi a theih peng ding a si.
Asinain atu tiang ah Donald Trump nih a tuah lo. CIA le ramchung sungthoh bu hna hi President dirkamhtu takak an si i, vawleicung president ah theihhngalhnak a ngei bik cu US President hi a si, zeicatiah CIA an siah ramchung sungthoh bu dangdang an siah biaruahnak an ngeih lengmang tikah zeitin dah vawleicung a cawlcangh le rian a tuan ning a si timi a theih khawh colh lengmang.
Presdient thimmi Trump nih cun a sungthoh bu tu hi a hrial hna. Zei ah a rel hna lo i, an karlak ah pehtlaihnak tha a ngeih lo ahcun president a tuannak ah si seh cun US Security caah a siah harnak a tong te lai. US tuanbia ah President le sungthoh bu neihniam tein biaruahnak a um hi June 17, 1961 in a si. Cu hlan ah cun a rak um bal lo.
Cuba an rak tuknak in fak piin mual an rak pho i, President le sungthoh bu ton lengmang a herhnak kha an rak theih. June 17 hnu cun President kha sungthoh bu nih thil sining an chimh i, an ruah lengmang tikah a thei tuk cang. President Intelligence Check List tiah an auh. Cuba kongah an mualpho dengmi cu hla 16 a luan hnu cun President JOhn F. Kennedy a phisin ning a vun thiam.
Cuticun hmaitonh bak in Cuba kongah Soviet Union hruaitu Nikita Khruschev a a doh i, Russia a rak teinak kha a si. Kum thum a luan hnuah President Lyndon Johnson nih President le sungthoh bu tonnak cu a vun sersiam than i, zing fatin in President Daily Brief timi a ngei lengmang cang. Vawleicung hruaitu zong an sungthoh bu he biaruahnak an ngei cio hna.
Asinain US President le sungthoh bu ton tluk in tonnak an ngei hna lo. Mah ruangah US President cu hawilei in hmai a fon deuh lengmangnak a si. Asinain Trump nih sungthoh bu le president karlak pehtlaihnak a chah ahcun remh than a har cang lai; cun a hleiin aa chuahsual taktak te lai. Ref: CNN.